I Empas Teken I Angsa

Ada kone tutur-tuturan satua i empas luh muani nongos di tlagane gede, bek misi lumut, katang-katang, muah sekancan bungan tunjung ane sedekan mabunga.
”Beli, Beli Empas!” patakon empase ane lua.
“Apa, Luh?” sahut empase muane.
“Icang demen pesan ngoyong dini, Beli. Wireh di tlagane gede ene bek misi be. Tegarang tolih ja Beli, ento ada be deleg, beboso, mujair, palatimah, muah be lindung malelangian.”
“Beh, sajan pesan Luh! Ulian ento awak nyaine mokoh tuara ngelah potongan angan abedik, wireh selid sanja nyai pepek baan amah-amahan.”
”Luh, apa nyai suba nawang? Ento ditu tolih! Jani nyai suba ngelah timpal di tlagane ene. Iwasin ja, ento ada angsa mabulu putih luh muani. Ia demen pesan masih malelangian di tlagane ene patuh tekening unduk nyaine. Mai, kema mlali!”
”Mai Beli! Jalan paekin Ia. Anggon Ia kekasihan sawireh awak pada madunungan di tlagane ene,” keto tutur empase luh nyautin.

Pulsinoge

Pulsinoge jukut timbul basang gede
Be nangka duren sentok belog
Tang simarang sotong biu bunut
Siloktat boni, bonine gadang ngatat]
Celempung bulun sambuk dongke
I dadong nyelek base

Kanti Bendan Ngidang Buka Kene?

sanja ne ento
iraga pedaduan
metimpal surya
ane suba leleh menjalan

ngedum anget jak dua
surya ne ngelutin

kanti bendan ngidang buka kene?

surya engseb mepamit
to ada ujan
mara teka belusan
angin ne di duri
gegeson nguberin



Lebih, Januari 2013

Ni Tuung Kuning

Ada katuturan satua anak bebotoh tukang kembar siap,madan I Pudak.Gegaene tuah metajen dogen, tusing demen nyemak gegaen elenan.Pengawitne iya ngelah siap kurungan tuah dadua,mekelo-kelo kanti penyatusan liun kurungane.Keweh pesan kurenane bareng ngecanin maang ngamah,ngaliang padang,nyampatang tainne, apa bui kurenanne beling gede.

  

Jumah

tembok bata barak
apit lawang
rurunge ngelut mesra
ditu menep kedis crucuk
di duur punyan waru di muncuk

adekeh kangen di hati?
bias-bias dingin di pemesuan
padang-padang lan lelumutan
tetep satia uli pidan
nimpalin,
pedaduan

kangen,
rindu,
mesawang dingin