Jantung satmaka ati
Ring ati pralinggan Widhi
Maprabawa Sang Hyang Siwa Sujati
Sang Hyang Siwa pinaka Widhi
Ngrasuk ring sarining tatua sujati
Sengke kaulati
Santukan genahe singid
Jantung satmaka ati
Ring ati Sang Hyang Siwa malingga
Ngalinggain sastra utama
Sastra wahana tatua
Tatua mapupul jeroning pustaka
Pustaka sarana sekala
Ngruruh daging sastra utama
Madasar adnyana wimala
Ati satmaka jantung
Ida Sang Hyang Widhi asung
Mapica sastra adhi luhung
Luung titi
Luung pangancan
Para jana pada luung
Sangkaning sastra adhi luhung
Yening ngruruh kaweruhan
Punika mapupul ring perpustakaan
Perpustakaan jantung kaweruhan
Jantung peplajahan kadiatmika
Jantung pendidikan tatua susila
Mapan sekancan pustaka
Kalingganan dening Sang Hyang Siwa
Maraga guru swadhyaya.
Kaketus saking :
* Buku Subhasitha Basa Bali
1 komentar:
good" :D
Posting Komentar
Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!