Kidung Dewa Yadnya

1. Kawitan Warga Sari - Pendahuluan sembahyang
   
   
   1. Purwakaning angripta rumning wana ukir.
      Kahadang labuh. Kartika penedenging sari.
      Angayon tangguli ketur. Angringring jangga mure.
      
      
   2. Sukania harja winangun winarne sari.
      Rumrumning puspa priyaka, ingoling tangi.
      Sampun ing riris sumar. Umungguing srengganing rejeng
      
      

Sambrama Wacana Pawiwahan

Pupuh Pangkur

1. Pamurwaning atur titiang mangkin
   Swastyastu wantah ne kapuji
   Swasti prapta saha dulur
   Majeng atiti samian
   Ampurayang
   Durusang ratu malungguh
   Ring genahe kacumasang
   Mogi ratu maledangin
2. Yadnyane sane kawentenang
   Pawiwahan mapandes malih asiki
   Ne mawiwaha jwa katur
   I Kadek Ari Sudana
   Kang purusa
   Sang pradana mangkin katur
   Ni Luh Jinitri Arannya
   Sakeng Pejeng Tampaksiring

Geguritan Ni Candrawati

Kaambil saking: http://bhaskaragita.blogspot.com

PUPUH GINADA

1. Somaning Tolu kocapan,
   Mangiket mangawe gending,
   Manuju bulan wisangka,
   Suklapaksane ping telu,
   I rika ngawe carita,
   Manah sedih,
   Kidung anggen mamurnayang,
2. Wenten ne mangkin kocapan,
   Prabu ring Kretanegari,
   Madruwe putra saroro,
   Sami pada ayu ayu,
   Prabu wibuh maring jagat,
   Suka lwih,
   Magehang sastra utama.
3. Kawuwus putrane lanang,
   Warnane tuhu apekik,
   Maharan I Wiranata,
   Budi alus kadi Wisnu,
   Wicaksana sidi ngucap,
   Darma jati,
   Weruh ring sastra utama.

Tembang Rare

Yen dumun daweg kari alit minab sameton sering mireng tembang-tembang rare. Yen tiang, sampun engsap akidik ring lirik ne. Tembang-tembang rare minakadi Meong-meong, Ratu Anom, Dadong Dauh, Kaki-kaki, Curik-curik, Mati delod pasih, Juru Pencar, miwah sane lianan. Dumun tiang sampun ngicen conto ne kalih, ring postingan Made Cerik lan Putri Cening Ayu. Nah, ne mangkin tiang coba ngicen lirik ne tambang-tambang rare sane kari inget tiang. Anggen istilah ne "refresing, mengenang kembali masa kecil". Hehehheheh.... sira uning sangkaning ngawacen lan nembangin malih tembang-tembang rare puniki, wenten kenangan utawi memori sameton daweg kari alit sane malih kaelingin. Inggih niki sane kari inget tiang.

Geguritan Niwatakawaca

Pupuh Sinom

1. Pinih ajeng lan aturang
   Rasa bhakti ring Hyang Widhi
   Pamekas ring Sang Hyang Satra
   Maka Dewa Maring Aji
   Aji sastra sane suci
   Sadurung titiang mangatur
   Crita ne sampun kaloktah
   Niwatakawaca wiakti
   Ngiring dumun
   Ngaturang pangastung kara.
2. Ne mangkin lantur critayang
   Wenten detia sane sakti
   Ten prasida ke kasorang
   Olih dewa sane sidi
   Wiadin manusa sane sakti
   Setata ngerusak ipun
   Sane wenten maring jagat
   Tur sami sane maurip
   Wastan ipun
   Wantah Niwatakawaca.

Pupuh Ginada

Pupuh ginada wantah silih tunggil tembang alit utawi sekar alit. Pupuh niki maduwe ciri kaiket antuk aturan (pada lingsa) makadi akeh baris ring tiap baitne (pada) inggih punika 8 besik. Sampun kenten akehne suku kata ring tiap-tiap baris (carik) lan suaran untat tiap-tiap baris inggih punika, 8a 8i 8a 8u 8a 4i 8a. Minab sampun wenten contone ring posting tiang sane dumunan. Niki mangkin malih tiang ngicen contone. Iseng cingak tiang ring buku tugas adin tiange wenten conto-contone.

Geguritan Arya Tangkas

1. PUPUH DANGDANG GULA
   Swasti astu atur titian ngawit, Mogi Betara kawitan sueca, Nyirat wara nugrahane, Cihna bakti titian katur, Mangkin titian katur, Mangkin titian ngayah ngurit, Arya Tangkas murdan gita, Titiang pangkah nganggen kidung, Anggen suluh kahuripan, Atur titian akeh ten manut ring indik, Ledang ugi ngampurayang.
2. PUPUH SINOM
   Maring Klungkung madeg nata, Sri Dalem Ketut Ngelesir, Abih patih Arya Tangkas, ring Kertalangu mapuri, madue putra asiki, Tangkas Dimade kawuwus, Bagus kadi Hyang Semara, solah dane sadu budi, Aji Budi, Lintang saying maring putra.
3. PUPUH SINOM
   Raris wenten anak prapta, Tangkas Dimade nakenin, “Parab jero sapa sira, Napi wenten ruruh mriki ?”, Sang Atiti gelis nyawis, “Mamor wastan titian Ratu, Titiang makta suwala patra, Swala patran Dalem pingit, Jagi katur, maring aji Arya Tangkas”.

Pupulan Conto Kidung

Ring sor puniki wantah imba utawi conto-conto kidung sane sampun umum kauningin olih warga Bali. Kidung-kidung puniki lumrahnyane kaanggen ring upacara Dewa Yadnya minakadi rahinan utawi odalan. Minab yen sematon kari eling, dumun ring SD polih pelajahan makidung Wargasari lan Kidung-kidung sane lianan. Kenten malih daweg SMP polih mata pelajaran Tembang. Driki tiang kari inget polih pelajahan makidung. Inggih niki conto-contone :

Pupuh Pucung

Silih sinunggil Tembang Macepat utawi Sekar Alit inggih punika Pupuh Pucung. Pupuh pucung pateh sakadi pupuh-pupuh sane seosan kaiiket antuk uger-uger utawi aturan pada lingsa. Ring Pupuh Pucung, akeh baris ring tiap baitne (pada) inggih punika 6 besik. Sampun kenten akehne suku kata ring tiap-tiap baris (carik) lan suaran untat tiap-tiap baris inggih punika, 4u 8u 8a 8i 4u 8a.

Pupuh Ginada Geguritan Margarana

Ring tanggal 10 Nopember niki wantah Hari Pahlawan. Niki anggen ngicen "penghormatan" ring para pahlawane sami sane sampun melanin panegara Indonesia nyantos mati mangda sida merdeka. Akeh sampun pahlawane sane padem ring payudhan. Nika mawinan iraga harus hormat ring pahlawane sami, napi malih ring para veteran sane kari. Santuka punika ring postingan puniki tiang ngicenin akidik punggelan daging Geguritan Margarana sane kakaryanin olih I Wayan Narji, saking Tabanan. Geguritan puniki kawangan antuk Pupuh Ginada. Pupuh Ginada punika kaiket antuk aturan (pada lingsa) makadi akeh baris ring tiap baitne (pada) inggih punika 8 besik. Sampun kenten akehne suku kata ring tiap-tiap baris (carik) lan suaran untat tiap-tiap baris inggih punika, 8a 8i 8a 8u 8a 4i 8a.

Pupuh Dangdang Gula

Nyambung ring postingan tiang ring artikel Geguritan Utawi Tembang Pupuh, ne mangkin tiang jagi ngicenin akidik makudang-kudang conto Pupuh Dangdang Gula. Pupuh Dangdang Gula pinika kaiket antuk aturan (pada lingsa) makadi akeh baris ring tiap baitne (pada) inggih punika 12 besik. Sampun kenten akehne suku kata ring tiap-tiap baris (carik) lan suaran untat tiap-tiap baris inggih punika, 11i 4a 6a 8i/8e 8u 8i 8a 8u 8a 4a 8i 4a.

Ring sor punika wantan imba utawi conto "kutipan" Pupuh Dangdang Gula sane ngawangun Geguritan Sampik Ingtai. Cerita sane kaangkat inggih punika rikala I Babah Sampik nyihnayang tresnane ring Ni Nyonyah Ingtai sakewanten nenten kadagingin olih Ni Nyonyah tur digelis ngarauhang utusan mangda gelis Ni Nyonyah mantuk ka Waciu Negari. Minab wenten sameton sane durung tatas uning ring cerita Sampik Ingtai, dados malih ngawacen ring artikel Satua Bali : Sampik Ingtai puniki.

Pupuh Sinom : Prabu Senapati Salya

Pupuh sinom wantah silih sinunggil Kasusastran Bali Purwa sane ngeranjing ring kategori Tembang Macapat utawi Sekar Alit. Pupuh Sinom kaiket antuk aturan pada lingsane (baris tiap baitnya)akehne adasa lan susunan carik lan suaran untatne inggih punika, 8a 8i 8a 8i 8i 8u 8a 8i 4u 8a. Unteng raose biasane anggen maseneng-seneng , liang, pitutur becik utawi nasehat, lan piteket-piteket.

Ring sor puniki wantah marupa imba utawi conto Pupuh Sinom sane ngawangun punggelan carita Prabu Senapati Salya.

Geguritan Sampik Ingtai

Ring sor puniki wantah conto satua bali Sampik Ingtai sane marupa geguritan. Geguritan Sampik Ingtai puniki kawangun antuk tembang Pupuh Ginada. Cerita sane kaangkat daweg I Babah Sampik jagi memadik Ni Nyonyah Ingtai ring Waciu Negari. Inggih wacen lengkapne malih..

Geguritan Utawi Tembang Pupuh

Geguritan nika wantah sastra kuno sane maduwe ciri sastra klasik utawi kuno sane "bersifat anonim", artine nenten kauningang sira sane ngawi sastra punika. Puniki santukan daweg zaman nika sang sane ngawi nenten maduwe manah antuk "menonjolkan diri" lan karyan-karyannyane wantah gelah sareng sami.