Om Awignam Astu namo sidham, Om sidhirastu tad astu astu ya namah swaha

Minggu, Desember 12, 2010

Pura Goa Lawah

Silih tunggil pura kahyangan jagat ring Bali inggih punika Pura Goa Lawah. Pura Goa Lawah sawetara wenten 49 Km saking Kota Denpasar, tepat ne magenah ring Desa Pesinggahan Kecamatan Dawan, Klungkung utawi sawetara wenten 10 km nganginang Kota Semarapura. Wenten munggah ring Atharvaveda VII.107.1

Bhatara Tengahing Segara
Ava divas tarayanti
Sapta suryasya rasmayah.
Apah samudrriya dharaah. (Atharvaveda VII.107.1).

Artinya :
Sinar tujuh matahari itu menguapkan secara alami air laut ke langit biru. Kemudian dari langit biru itu hujan diturunkan ke bumi. Tuhan menciptakan alam dengan hukum-hukumnya yang disebut rta. Matahari bersinar menyinari bumi. Air adalah unsur terbesar yang membangun bumi ini.

Saking daging Atharvaveda nika, ring tradisi Hindu di Bali, Ida Sang Hyang Widhi ring manifestasi Ida "sebagai" Dewa Laut utawi Bhatara Tengahing Segara, raris kawangun Pura Goa Lawah.


Ring lontar Prekempa Gunung Agung munggah, Ida Bhatara Siwa ngutus Sang Hyang Tri Murti mangda nyelametin gumi. Ida Bhatara Brahma tedun ngambil rupa dados Naga Ananta Bhoga. Ida Bhatara Wisnu tedun ngambil rupa Naga Basuki. Ida Bhatara Iswara dados Naga Taksaka. Naga Basuki prabunida ring tengahing segara, ngawanin toya segara ne nguap dados gulem. Ekor Idane dados gunung lan sisik Idane dados alas sane linggah. Prabunida Naga Basuki nika sampun dados simbol Pura Goa Lawah lan ekor Idane dados simbol Gunung Agung. Pusering ekor Naga Basuki ring Pura Goa Raja, silih tunggil pura ring kompleks Pura Besakih. Nika mawinan, dumun goa ring Pura Goa Raja tumbus ngantos goa ring Pura Goa Lawah. Sakewanten santukan linuh ring tahun 1917, goa nika ketutupin.


Kawentenan Pura Goa Lawah munggah ring Lontar Usana Bali lan Lontar Babad Pasek. Ring lontar punika, Pura Goa Lawah kawangun santukan ide saking Mpu Kuturan ring abad XI Masehi lam malih kapugar ring abad XV Masehi. Ring Lontar Usana Bali, Mpu Kuturan madue pakaryan sane mawasta "Babading Dharma Wawu Anyeneng" sane medaging pewangunan pura-pura ring Bali, silih tunggil ipun pewangunan Pura Goa Lawah. Umat Hindu ring Bali ngawentenang Upacara Nyegara Gunung pinaka pamuput upacara Atma Wedana utawi Nyekah, Memukur utawi Maligia ring Pura Goa Lawah.

Pujawali utawi piodalan ring Pura Goa Lawah nyabran enem sasih ring Anggara Kasih Medangsia. Ring jeroan puraring ungkuran goa, wenten pelinggih Sanggar Agung genah mamuja Sang Hyang Tunggal. Wenten Meru Tumpang Tiga genah pesimpangan Bhatara Andakasa. Wenten Gedong Limasari genah Pelinggih Dewi Sri lan Gedong Limascatu genah Pelinggih Bhatara Wisnu. Kekalih pelinggih nika wantah genah mamuja Ida Sang Hyang Widhi Wasa ring manifestasi Ida dados Sang Hyang Basuki lan Bhatara Tengahing Segara.


Referensi :
Saking : tulisan Ketut Gobyah
Gambar : http://www.balitoursclub.com/berita_75_Goa_Lawah.html
               http://mangde.blogspot.com/2007/05/pura-goa-lawah.html
Peta : http://wikimapia.org/928351/pura-goa-lawah

Artikel Terkait Ring Kategori



0 komentar:

Posting Komentar

Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!