Gowes Ke Tirta Empul

Acara gowes niki sampun suwe. Yen ten iwang daweg rahina Redite, 19 Juni 2011. Tiang sareng pat semengan sampun gowes ke Tirta Empul. Rencana jagi gowes mrika wantah sampun saking dumun, nah wawu daweg nika prasida kalaksanayang. Kairing olih ambu sane nutupin sang surya alias gulem... heheheh.. tiang sareng pat berangkat jam 7.00. Nenten wenten halangan punapi ring marga ne. Astungkara Hyang Widhi, lancar lan slamet nyantos ring Tampaksiring. Sane kapertama kaojog wantah Gung Niang, Dagang bubuh ayam ring pasar Tampaksiring. Heheheh... maklum nyantos drika jek kerasa seduk. Suksma Gung Niang, tepeng Gung Niang'e jek mantep!

Wusan nika tiang sareng timpal (Edi, Wah Boling, Wah Dharma) raris lanjut rauh ke Istana Presiden Tampaksiring. Beruntung tiang sareng pat polih ngranjing santukan pintu gerbang nenten katutup. Sakewanten kanggeang ngranjing wantah nyantos ring pos pemeriksaan kemanten. Polih tiang sareng pat kenalan sareng sane polih giliran jaga semeng nika. Saking Pos pemeriksaan nika tiang sareng pat jek bengong mebalih menjangan. Kadi rasa buka anak cerik sane tumben nyingakin menjangan. Hehehehhe...! Wusan nika raris lanjut ke Pura Tirta Empul. Ring jaba pura tiang wantah keliling-keliling kemanten. Jam 11.00 wawu balik ke Gianyar. Nah, ring balik niki sampun, jek wenten akidik halangan. Ban sepeda Wah Boling bedah keni jaum. Malih merarian ring bengkel. Nanging yadiastun kenten tiang sareng pat mrasa bagia ring acara gowes niki. Astungkara Hyang Widhi!

Inggih niki akidik koleksi foto-foto daweg gowes ke Tirta Empul. ^_^

Artikel Terkait Ring Kategori