Dumun yen ten iwang, tiang polih cerita acara gowes (downhill) tiang sareng sameton-sameton club kuwe-kuwe,
downhill saking Penelokan Kintamani. Nah, ring tanggal 9 Oktober sane lintang, malih tiang sareng timpal-timpal downhill saking panelokan. Niki sane kaping kalih. Ring acara gowes niki kasarengin olih 12 diri. Nambah malih kalih saking jumlah daweg acara downhill sane dumunan. Rauh ring Penelokan, sayonge kari akeh. Padahal daweg nika sampun siang, kira-kira wenten jam 06.15 semeng. Lian ken sayong, ring penelokan daweg nika krasa dingin pisan. Untung tiang sampun makta jaket tebel. Hehehehe... pengalaman daweg downhill sane dumunan. Saking Panelokan raris nglantur ke Gunung Kawi, Tampaksiring. Driki tiang sareng timpal-timpal polih mesiram ajebos ring tukade. Wihhh... jek krasa seger pisan toyane ring tukade punika. Wusan kenten nglantur budal sareng-sareng ke Gianyar. Inggih niki akidik photo-photo daweg acara downhill Penelokan jilid 2. ^_^
Artikel Terkait Ring Kategori
1 komentar:
yeh..wenten rawik nika,nggih?
Posting Komentar
Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!