Om Awignam Astu namo sidham, Om sidhirastu tad astu astu ya namah swaha

Rabu, Mei 26, 2010

Bunga Di Ati

Olih : Bliyanbelog

Yan tolih melahang
Nak mula cara pragina
Lengen lantang batis dawa
Bangkiang rengkiang cara biola
Ngae kenehe uyang paling

Yan tolih melahang
Nak mula cara penyanyi
Munyi halus nelusuk ati
Paras ayu buka selebriti
Sing taen absen kaipiang

Bajang jegeg gadis kampung
Diapain kampung nak mula ayu
Ayu saking tengahin ati
Sampurna sakadi bunga
Miik ngalub ngebekin gumi

Bajang jegeg gadis bali
Sing ada ne ngidang nyaingin
Sing ada ne ngidang matuhin
Ayu paras ayu budi
Nyihnayang gadis bali sujati

Ilang suba ragu di ati
Nyingakin paras ayu sekadi dewi
Saking langit turun ke mayapada
Miik ngalub bunga swarga loka

Ilang suba rasa sangsaya
Gadis ayu gadis bali sujati
Ayu paras ayu budi
Ngae tentram ring ati
Kanti mati


Bangli,
Mei 2010

gadis bali.jpg

Artikel Terkait Ring Kategori



2 komentar:

andrea vionica mengatakan...

teng kyu nah blii

florist palembang mengatakan...

teng kyu nah blii

Posting Komentar

Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!