Geguritan Niwatakawaca

Pupuh Sinom

1. Pinih ajeng lan aturang
   Rasa bhakti ring Hyang Widhi
   Pamekas ring Sang Hyang Satra
   Maka Dewa Maring Aji
   Aji sastra sane suci
   Sadurung titiang mangatur
   Crita ne sampun kaloktah
   Niwatakawaca wiakti
   Ngiring dumun
   Ngaturang pangastung kara.
2. Ne mangkin lantur critayang
   Wenten detia sane sakti
   Ten prasida ke kasorang
   Olih dewa sane sidi
   Wiadin manusa sane sakti
   Setata ngerusak ipun
   Sane wenten maring jagat
   Tur sami sane maurip
   Wastan ipun
   Wantah Niwatakawaca.

Pupuh Ginada

1. I Raksasa ngawi naya
   Ngebug jagat maring swargi
   Ngelawan para dewata
   Ngangge raga andel teguh
   Ajerih nenten kerasa
   Napi malih
   Sane pacang kajejehang.
2. Nenten malih kaucapang
   I Raksasa maring margi
   Kewentenang jagat swarga
   Sawireh jaga kagebug
   Olih sang maraga detya
   Mengawinin
   Para dewata siaga.

Pupuh Semarandana

1. Mangkin natha ing swargi
   Pinaka raja dewata
   Pangwasa para dedari
   Mapuspata Sang Hyang Indra
   Sampun ngerasa tan sida
   Ngasorang meraga satru
   Ngawe sungsut kahyun Ida.
2. Dewa Indra menghayunin
   Mangelarang eka naya
   Eka naya sane singid
   Mangda kasor I Raksasa
   Raris Ida manghayunan
   Pacang manunasan wantu
   Maring manusa utama.

Pupuh Ginanti

1. Nateng ring pakahyun
   Nimbang sane kajudi
   Ring sahananin manusa
   Sane utama tur sakti
   Pacang presida ngasorang
   Ipun I Raksasa wiakti.
2. Sane katunasang tulung
   Maring putran pandu wiakti
   Sang arjuna mungguwing wasta
   Solah Ida sadu budi
   Mangkin Ida nangun tapa
   Nunggalang kahyune suci.

Pupuh Pucung

1. Maring gunung
   Indrakila sane luhur
   Arjuna matapa
   Pageh ring kahyune suci
   Sampun manut
   Ring tata cara mayasa.

Artikel Terkait Ring Kategori