Om Awignam Astu namo sidham, Om sidhirastu tad astu astu ya namah swaha

Rabu, April 27, 2011

Sambrama Wacana Pawiwahan

Pupuh Pangkur
  1. Pamurwaning atur titiang mangkin
    Swastyastu wantah ne kapuji
    Swasti prapta saha dulur
    Majeng atiti samian
    Ampurayang
    Durusang ratu malungguh
    Ring genahe kacumasang
    Mogi ratu maledangin
  2. Yadnyane sane kawentenang
    Pawiwahan mapandes malih asiki
    Ne mawiwaha jwa katur
    I Kadek Ari Sudana
    Kang purusa
    Sang pradana mangkin katur
    Ni Luh Jinitri Arannya
    Sakeng Pejeng Tampaksiring

Pupuh Sinom
  1. Suksma malih katurang
    Majeng atitine sami
    Dwaning sampun sida prapta
    Ring galehe sane becik
    Titiang kluarga sami
    Sinampura kirang langkung
    Rauh ratu mautama
    Prasida manodiyanin
    Kala ipun
    Pyanak titiang kaupakara
  2. Tan keni antuk ngerasayang
    Manah titiang kadi mangkin
    Ngantenang I ratu prapta
    Puniki dresasat cirri
    Sawitra kluarga becik
    Saling asah asih asuh
    Patut pisan kamanggehang
    Sekantune maring bumi
    Nika ratu
    Atur titian sekluarga

Pupuh Ginada
  1. Durusang I ratu ngarsen
    Sane sida kaaturin
    Mogi ledang sinamian
    Aturanne munjuk lungsur
    Amunika atur titian
    Wanti wanti
    Ledange suksmang titiang
  2. Ratu rauh mabaktayang
    Budale ampuang angin
    Nenten sida ngewalesang
    Mogi Ida Hyang Agung
    Ngicenin wara nugraha
    Panjang urip
    Sidaning don ne aptiang


~ Puput ~


Abianbase, 19 Januari 2011
Atur saking jaya mana
Guru Rupakan pengantin

ttd


I Wayan Simbar + Ni Made Suardani
Sekluarga

Artikel Terkait Ring Kategori



3 komentar:

Anonim mengatakan...

apa perbedaan dharma wacana, pidarta, miwah sambrama wacana?

bliyanbelog mengatakan...

@anonim : dharma wacana = tema ne indik ajaran-ajaran agama, pidarta = tema ne lebih bebas, conto ne masalah sosial dll, sambrama wacana = biasa ne kanggen ritatkala nyanggra tamiu rikala wenten upacara.

Yanz_Jati mengatakan...

Om suastiastu... bli yan!
titiang nunas ajah...
becik pisan pakantenan blog'nyane,,, mogi2 malarapan sangkaning akeh urati ring indik basa Bali, ngawinang ttp werdi lan nglimbak parajana Baline seneng ring basa Bali anggen jalaran ngajegang Bali duene. suksma.salam

Posting Komentar

Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!