Pura Luhur Uluwatu

Sampun polih nangkil ring Pura Luhur Uluwatu? Nah, tiyang sareng timpal-timpal sampun polih ningkil mriki apisan. Ritatkala nangkil mriki ring rahinan Umanis Kuningan. Yen ten iwang kirang langkung tigang warsa sane lintang. daweg nika tiyang kari truna ting-ting (hehehehhe...) kari polos ten kadi mangkin (galak kereng makpak sandal. kikikikikik....). Ten, ten.. tiyang wantah mecanda. pang ten tegang rikala ngwacen postingan tiyange puniki. Inggih lanturang malih indik Pura Luhur Uluwatu.

Pura Luhur Uluwatu wantah silih tunggil pura Sad Kahyangan ring bali. Pura niki magenah ring Desa Pecatu, Kecamatan Kuta, Kabupaten Badung. Puru Luhur Uluwatu niki ring duur tebing bukit batu karang. Niki sane dados daya tarik ring Pura Luhur Uluwatu. Genah ne sane ring duur tebing bukit batu karang niki ngaryanin rasa pamedek sane rauh merasa tenang lan damai.

Pura Luhur Uluwatu kawangun kirang langkung duk abad ke-11 olih Mpu Kuturan. Pura niki dados stana Bhatara Rudra. ring abad ke-16, Dang Hyang Nirartha sane rauh saking Jawi moksa ("ngeluhur") iriki. niki sampun mawinan nyantos mangkin pura niki mawasta Pura Luhur Uluwatu.

Daweg tiyang nangkil mrika pas ring rahinan Manis Kuningan. mrika tiyang sareng timpal-timpal malih 4 diri. daweg nika wantah kapertama ne tiyang nangkil ring Pura Luhur Uluwatu. dumun-dumun ne dereng polih tiyang nangkil. akeh cingak tiyang buron minakadi bojog sane pasliwer ring area pura. wenten sane sedeng ngejuk kutu, wenten mase sane kecag-kecog ring tarune. saking jeroan, iraga prasida nyingak pasih sane linggah. niki wantah samudera Hindia. iriki mase akeh wisatawan ne sane melancaran.

Artikel Terkait Ring Kategori