Pupulan Conto Kidung

Ring sor puniki wantah imba utawi conto-conto kidung sane sampun umum kauningin olih warga Bali. Kidung-kidung puniki lumrahnyane kaanggen ring upacara Dewa Yadnya minakadi rahinan utawi odalan. Minab yen sematon kari eling, dumun ring SD polih pelajahan makidung Wargasari lan Kidung-kidung sane lianan. Kenten malih daweg SMP polih mata pelajaran Tembang. Driki tiang kari inget polih pelajahan makidung. Inggih niki conto-contone :

1. Purwa kaning angrip tarum
   Ningwana ukir kehadang labuh
   Kartika panedengin sari
   Angayon tangguli ketur
   Angringring jangge mure
   
   Sukanya arja winangun
   Winarna sari sampuning riris
   Sumahur ingoling tangi
   Rumrumning puspa priyaka
   Munggwing srenganing rejeng
2. Ida Ratu raking luwur
   Kahula nunas lugrane
   Mangda sampun titiang tandruh
   Mengayat bhatara mangkin
   Tityang ngaturan pejati
   Canang suci lan daksina
   Sarwa sampun puput
   Pretingkahing saji
3. Pangredana ne keluwur
   Maka pengundang Dewane
   Asep menyan majegahu
   Ambunnyane merik sumirik
   Cenana pada mesanding
   Pemendak Ida Bhetara
   Anggenne diluwur
   Ngaran Tiga Sakti
4. Asep menyan majagahu
   Cenana nuwur Dewane
   Mangda Ida gelis rawuh
   Mijil saking lwuring langit
   Sampun medabdaban sami
   Maring giri meru reko
   Ancangan sadulur
   Sami pada ngiring
5. Puja waline ke hatur
   Jalaran upa karena
   Wargasari anggen nuntun
   Daksina lan kukus wangi
   Tetep upakara sami
   Katur ring Ida Bhetara
   Suweca Ida turun
   Kawula sami mengasti
6. Winarna sirengkul petak
   Haneng andekasa punanga srambi
   Sidetapa sakang ginung
   Siwasudha sridanta lungesira
   Ngambara marga ngelayung
   Mahyun marek ring Bhetara
   Oryeng giri tohlangkir
7. Turun tirtha saking luhur
   Pemangkune manyiratan
   Mekalangan muncrat mumbul
   Mapan tirta amerta jati
   Pahican Bhatara sami
   Panglukatan dasa mala
   Mangda sida lebur
   Malene ring bumi
8. Pengaksame ne keluwur
   Manunas wara nugrahene
   Menawi kirang nekehatur
   Agung sinempura ugi
   Canange asebit sari
   Mangda sweca Ida nonton
   Nodya saking luwur
   Mamuputan sami
9. Pemargine bamban alus
   Medal ida ngejabeyang
   Tedung jenglar tedung agung
   Tamyang kulem lan pengawin
   Tunggul sadu bilang samping
   Suwaran gambelane muntab
   Sampun maider ping telu
   Ring panggung Ida melinggih
10. Medal maring gedong agung
    Merik sumirik gandene
    Gedong menyan gedong madu
    Ukir lawang ane
    Mapin da lembumas anulu
    Apit lawang singa wilis
    Sina ib pajeng robrob
    Tuwek payung pagut
    Nemakta widya sari
11. Tedun Ida saking tajuk
    Malinggih ring daksinane
    Daksina sampun kinajum
    Masekar busana becik
    Damuhe pada pengampil
    Lanang wadon sami girang
    Upecara tedun
    Presadeg ngeriyinnin
12. Kidung pengundang ring Bhuta
    Basa lumbrah pupuh jerum
    Bhuta asih wydhi asung
    Caru pesaji ne reko
    Genep saha upe kara
    Manut warna lawan ungguh
    Sekul iwak pada bina
    Olah olahan sadulur
13. Pengideran penguripan
    Kangin panca putih mulus
    Kelod siya barak mungguh
    Kauh kuning pitu anggon
    Kaja selem urip papat
    Manca warna tengah brumbun
    Akutus panguripaniya
    Babhutane manut ungguh
14. Kaja kangin urip nenem
    Yan ring warna rupa klawu
    Kelod kangin urip kutus
    Nasak gedang warna kawot
    Kelod kauh warna kwanta
    Panguripniya tetelu
    Kaja kauh warna gadang
    Jati tunggal urip ipun

Kaambil Saking :
* http://baliohbali.blogspot.com/2009/03/beberapa-kidung.html

Artikel Terkait Ring Kategori