Air Terjun Kuning Bangli

Silih tunggil objek wisata ring Bali inggih punika air terjun. akeh wenten air terjun sane becik, asri, lan kari alami ring pulo bali. wenten sampun sane kaloktah kauningin olih para wisatawan saking dura negara lan wisatawan domestik (lokal). contone air terjun nungnung lan air terjun gitgit. nah, sakewanten ne mangkin tiyeng nenten je jagi nartayang indik air terjun kalih punika. ne mangkin tiyang jagi ngicen akidik info lan pengalaman tiyang melancaran ke air terjung kuning.

Air terjun kuning puniki magenah ring Banjar Kuning, Desa Tamanbali, Kabupaten Bangli. Sawetara wenten 6 km ngaleran saking kota Bangli. air terjun kuning puniki wantah air terjun sane genah ne mengkeb santukan ring tebing batu paras lan ring sekeliling ne wenten alas lan kebun cengkeh. Nenten wenten marga sane becik rikala jagi ngerereh air terjun puniki. wantah wenten margi alit sane nglintangin alas lan tegalan sane akeh medaging taru cengkeh. minab ulian niki, air terjun kuning nenten je sanget anake uning. sakewanten ulian niki mase air terjun niki kari asri lan alami.

Toyan air terjun kuning puniki membah nglintangin ring tukad melangit. iriki iraga dados nglangi utawi masiram santukan nenten je dalem. driki sampun tiyang sareng timpal-timpal tiyange masilem-sileman sekadi anak alit sane seneng rikala nyingak toya.

Kerasa ben tiyang toya ne dingin lan seger. niki wantah pengalaman tiyang sane kapertama melancaran ke air terjun. santukan toya ne dingin lan seger, kenten mase ring keasrian air terjun, kadirasa meled manah tiyang jagi mrika malih.

Iriki tiyang sareng timpal-timpal nyantos 2 jam. polih mase tiyang mapoto anggen kenang-kenangan. anggen bukti tiyang polih mriki. air terjun kuning wantah air terjun tiyang sane kapertama. sawetara jam 2.00 tiyang sareng timpal timpal raris budal. nah, dumogi je yen malih wenten galah tiyang jagi mrika malih. Astungkara! ^_^

Artikel Terkait Ring Kategori