Om Awignam Astu namo sidham, Om sidhirastu tad astu astu ya namah swaha

Sabtu, November 14, 2009

Pupuh Ginada Geguritan Margarana

Ring tanggal 10 Nopember niki wantah Hari Pahlawan. Niki anggen ngicen "penghormatan" ring para pahlawane sami sane sampun melanin panegara Indonesia nyantos mati mangda sida merdeka. Akeh sampun pahlawane sane padem ring payudhan. Nika mawinan iraga harus hormat ring pahlawane sami, napi malih ring para veteran sane kari. Santuka punika ring postingan puniki tiang ngicenin akidik punggelan daging Geguritan Margarana sane kakaryanin olih I Wayan Narji, saking Tabanan. Geguritan puniki kawangan antuk Pupuh Ginada. Pupuh Ginada punika kaiket antuk aturan (pada lingsa) makadi akeh baris ring tiap baitne (pada) inggih punika 8 besik. Sampun kenten akehne suku kata ring tiap-tiap baris (carik) lan suaran untat tiap-tiap baris inggih punika, 8a 8i 8a 8u 8a 4i 8a.

Puputan Margarana
  1. Tanggal plekutus kocapan (8a)
    bulanya Nopember pasti (8i)
    petang dasa nem tahunya (8a)
    pukul dasa kala dalu (8u)
    pasukanne wus lumakwa (8a)
    kapucukin (4i)
    olih prawira Suweta (8a)
  2. Kala ring tengahin marga
    sami pada ngagen tali
    semangda tatan kasasar
    reh peteng tatan pasuluh
    nanging sampun ngawe cihna
    gagak jati
    sinahuran antuk nila
  3. Tengah latri ikang kala
    pasukane sampun prapti
    ring wenten tangsi Tabanan
    kancit Pak Wagimin rauh
    saking tangsi dane medal
    makta suklit
    mawirasa Pak Suweta
  4. Pasukane mangarepang
    tangsine raris kaungsi
    ngeranjing saking arepnya
    wenten sane saking pungkur
    polisi NICA ne nyerah
    duk kaambil
    sanjatanya kaaturang
  5. Munggwing wilangan sanjata
    pikolih nruwek tangsi
    karben tigang desa wantah
    kalih siki beren tuhu
    granat tangan tuwi katah
    mesiu malih
    makudang belek katahnya
  6. Pasukan pinarah ruwa
    pacang malih nyerbu tangsi
    penebe lan priyaan
    kancit rencanane wurung
    kadi sampun titah Hyang
    Bapak Rai
    nuduh sawengi mararyan
  7. Sore tanggal sanga welas
    pasukane ngibur diri
    unen-unen karawuhang
    janger saking Desa Tunjuk
    lemuh gati
    pasukane pada egar
  8. Puput jangere masolah
    pasukane raris tangkil
    ka Pura Dalem Babasan
    nuhurin punagi lantur
    masupatining sanjata
    teleb bakti
    pamuput majaya-jaya

Olih : I Wayan Narji

Artikel Terkait Ring Kategori



3 komentar:

Anonim mengatakan...

arfdrgsthtghyjhdrjdrtujdrtuj

Anonim mengatakan...

:-e

bliyanbelog mengatakan...

@anonim : suksma sampun ledang rauh... ^_^

Posting Komentar

Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!