Pura Gunung Kawi punika magenah ring Desa Tampaksiring Kabupaten Gianyar. Sawatara wenten 38 Km ngaja kanginan saking kota Denpasar, Irika wenten wangunan kuno sane marupa candi-candi, ceruk-ceruk miwah wihara-wihara. Ring jaba tengah palebahan genahe punika wenten tukad sane mawasta Tukad Pakerisan. Tukad punika waluya ngepah palebahan punika dados kalih. Wewangunan kuno sane magenah dauh tukad inggih punika candi petang siki, taler wenten wihara-wihara miwah ceruk-ceruk genah sang tapa riin. Nanging sane magenah dangin tukad inggih punika candi limang siki, taler wenten wihara-wihara miwah ceruk-ceruk. Yening wilangang candi-candi inucap maka sami wenten sia siki tur sami magenah nempel ring abing tukade. Punika mawinan candi inucap taler kawastanin "Candi Tebing".
Pra sujana saking dura negara miwah sujana saking dura negara Indonesia, sampun ngawentenang panureksan indik kawentenan wangunan kuno punika. Manut para sujana-sujana inucap, wangunan kuno punika kawangun duk abad 11 Masehi daweg panyenengan raja sane mapuspata Marakatapangkaja.
Daweg tahun 1980, saking Dinas Purbakala sampun mapidabdab mecikang miwah menahin wangunan inucap mangda tetep lestari, tur mangda wenten katamiang ring alit-alite wekasan. Mangkin wangunan punika kantun becik, kapiara olih para penyungsung. wedesa miwah olih pamerintah.Rauh mangkin makeh anake merika gumanti mangda uning kautamaan kebudayan tetamian para leluhur sane riin.(*bb/tty)
2 komentar:
titiang ring tuban seneng wktu itu sya tamasya k gunung KAWI
Gih, tiang pateh kenten mase... daweg muspa mrika ring kapertama! suksma sampun komentar!! ^_^
Posting Komentar
Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!