Om Awignam Astu namo sidham, Om sidhirastu tad astu astu ya namah swaha *** Om Hyang Whidi, kami memujamu semoga atas perkenan-Mu tiada halangan bagi hamba untuk memulai pekerjaan, dan semoga sukses

Selasa, Juli 21, 2009

Satua Bawak

Satua bawak utawi Bahasa Indonesia ne cerita pendek (cerpen) inggih punika silih sinunggil karya sastra bali anyar. Satua bawak puniki sampun keni yusan budaya saking luar bali. Punika santukan satua bawak puniki ngranjing ring kasusastran bali anyar. Ring sor puniki wantah marupa imba utawi conto satua bawak bali.


Gending Bebotoh

Satuuh idupe ngulurin indria. Mamotoh adanina ngulurin momo. Momon kenehe ngulurin momo. Momon kenehne etohina. Sangkalina ada anak nyambatang memotoh sujatine ngetohin momon keneh. Selid sanja ngcelin siap. Tengaine mandusang siap, sanjane medesin mombong siap. Semengne nepuang siap. Tuah I Siap ane sida nyiapang kenehe. Lemah peteng kedengan angkihan kenehe pragat dikalangan tajene.

Dinuju lakar ngoceke, tusing pesan ngerunguang payuk jakan. Panak nyebak nagih beliang baju mapan baju ane anggon di awakne suba uek brengbeng. Kurenane nagih pipis anggona meli lakar jakan. Sakewala pragatangga aki raos bangras.

"Sajan nyai panak yah. Nglantud-nglantudin pajalan icange luas ka tajen. Tusing mirip nyai nawang? Ne.... ene apang nyai nawang, ane biying alab sangkur janggaran, manggo-anggoan sadeh jambul godeg derupa dimpil karo uli Desa Plaga ratun turas siape. Sangkala madan biing pamlagan, sanggup mapalu tur ngalahang musuhne di tengah kalangan tajene. Beli subangga deang carike di labakanne duuran kauh, mula tuah anggon ngetohin i Biing Plaga. Miribne enu nyai ngelah sisan buntilan ane kadut nyai di sabuke? Deh..... mai aba! Jalan telahang anggon ngetohin I Biing. Etohin aji sekancan kasugihan awake. Apang tawang nyai siape nenenan sanggup mekelin nyai manik sekecap, sugih nadak. Ha... ha.. ha...!!"

"Cendekne enden malu meli lakar jakan. Nyanan menang, nah... ditu mara meli lakar jakan. Utawi eda nyai buin nyakan, jeg baas lebeng, nasi ajak daarne beli. Cundang siape anggon kuah, jambal..."

"Cai panak bapa eda nyebak. kenyiggang iban caine. Nyanan menang bapa melian cai baju anyar. Nah.... ditu kenken keneh caine? Akuda keneh caine meli baju? Ane mawarna ken-ken kenehang cai? Eda kelebihan tekenang lebak tali, bapa sanggup meliang. Kenken keto kebot kenawan liman cainenyekal pipis manjer sate hi.. hi... hahahah!!"

Luhne laut mabat, "Kenken beli? Kaden ngelah carik tuah dilabakane kauh dogen, jani ento gadeang beli anggon ngulurin indria. Sekayan uli dija totonan. Dadi gadeang? Mirib beli ane meli carike ento? Engsap mirip beli? Nangke sautin icang! Kaden carike totonan aban-aban icang nganten, pabaang reraman icange jumah kangin mapan beli tawanga tusing ngelah ebuk. Prade ento kanti adep beli, icang lakar mulih, palas makurenan ajak beli."

Muanine tusing masaut apa buin. Mageres nyemak krepe nyelepang siap laut maklies mesuang tusing nolih laad. Kacrita siape kalah.

Teked jumah bedak layah dapetanga umahne suung. Somah ajak panakne tusing ada jumahne. Cara jelema punyah gelar-gelur ngaukin kurenanne matane barak macelep kapaon napetang payuk puyung. Payukne pantiganga. Piring-piring makeber. Gentong kajeta, makejang ane tepukina tusing baanga beneh. Aget luhne ajak pianakne anu di pisaga ngidih nasi, yen sing keto meh-mehan lampuga tendasne.

Tusing teked ditu dogen inguh bayune. Kanti k para Dewa gedegina. Makejang bataranne ubat abita, batbata, leluhurne oranhanga tusing sueca. Makejang temaha. Sanggahne uuga, tusing canang sari aturina, sakewala tain sampi aturina atamas.

Kenyel ngamuk, macelep kaduluan. Pules dibeten longan, ngiah ngiuh nyesel awak, bayune inguh ngetok-ngetok tendak mecik-mecik pelengan.

Cet..... cet.... cet...... (*bb/stbw)

Olih : Ida Bagus Rai Putra

Artikel Terkait Ring Kategori



2 komentar:

Anonim mengatakan...

:f

bliyanbelog mengatakan...

@anonim : .....????

Poskan Komentar

Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!