Tirtayatra Anggen Nyuciang Manah

Sekadi ne sampun kauningan ring semeton-semeton Hindu sedharma, silih sinunggil cara anggen ngerereh kesucian kayun lan manah inggih punika lewat matirtayatra. Matirtayatra ke pura-pura, candi-candi Hindu, utawi ring genah-genah suci Hindu tiosan makadi tukag (contone : Tukad Gangga ring India), danau, pasih, miwah sane lianan. Tiosan ring tujuan anggen ngerereh kesucian batin, taler tirtayatra punika matetujon mangda iraga semeton Hindu uning ring pura-pura lan tempat-tempat suci Hindu. Napi malih nyantos uning ring sejarah pura utawi tempat suci punika. Niki sane ngidang ngae iraga madua rasa 'peduli' ring kelestarian pura-pura lan tempat-tempat suci punika.

Ring Bali khususne, makeh wenten pura-pura utawi genah-genah suci Hindu sane dados anggen semeton tujuan matirtayatra. Tirtayatra ke pura-pura nenten je harus tiap tahun utawi tiap bulan. Sane paling penting iraga matirtayatra memanah suci lan bersih. Boye je matirtayatra anggen jalan-jalan utawi maplesiran kemanten.

Minab pura sane paling pepes semeton sami anggen genah matirtayatra inggih punika Pura Besakih. Pura Besakih wantah kompleks pura sane paling ageng lan paling jangkep ring Bali. Genahne ring Kabupaten Karangasem. Tiosan ring punika wenten malih Pura Luhur Lempuyang. Genah pura puniki pateh ring Kabupaten Karangasem. Genah pura sane ring puncakin gunung lan kondisi sane sejuk ngae manahe adem lan tentram. Niki mawinan meled manah tiange malih nagkil merika. Dumun tiang sampun polih nangkil ka Pura Lempuyang Luhur, sakewanten wantah apisan. Wenten mitos irika, yen jagi nangkil ke pura nenten dados ngorahan kenjel ritatkala napakin udagan-undagan ring pura punika. Yen kanti ngorahang kenjel, perjalanane jagi tambah berat.

Inggih punika dumun sane sida tiang bagi indik matirtayatra. Benjang-benjang malih yen wenten galah, tiang jagi 'berbagi cerita' malih. Napike semeton sampun polih matirtayatra? (*bb/tty)

Artikel Terkait Ring Kategori