Puisi wantah silih sinunggil karya sastra sane ngranjing ring
Kasusatran Bali Anyar. Puisi wantah pupulan lengkara sane kawangun antuk suara-suara untat sane maduwe pola-pola makadi, a a a a, ab ab, aa bb, miwahsane lianan. Ring sor puniki wantah conto puisi sane majudul "Mati Nguda" sane kakaryanin olih Putu Sedana.
Mati Nguda
Madiane magantung senjata lanang (a)
Sirahe matekes bendera gelah (a)
Barak-barak karsane maules kenyung (b)
Putih-putih karsane tulus mulus(b)
Tegal pangkunge keterabak tan sawetara, Matatah mirang parangan, Ngrobok duin urip, Mirib mapinunas jelap tekad apang maan buka keto, Sambilanga sing nawang nyen nunden muah ngajinin
Inget sukune pancer gumi
Sukane aketi mabakti ken peritwi
Takut suarane sing katimpalin
Masuriak nyerit Belanda musuh kai
Suara barak suryan barak laksana barak
Anggene tidong gelah, Kentelan serbuk tanah, Idupe tungkulan suling tawah, Atmane sing dadi puun, Ngawewehin suarane tandi cadik, Musuhe katon kelepon, Lantas nurumbag pagelaran yuda, Masuriak nyerit Belanda musuh kai, Kanti nepukin unduk buka jani
Madiane magantung sanjata lanang
Sirahne matekes bendera gelah
Marengin kenyitan apine kuning bering
Nyohsoh maserah angga marep pertiwi
Magrebiug
Tangkahe bolong
Barak-barak lambene maules kenyung, Putih-putih karsane tulus mulus, Ambune sumirit ngebekin jagat
Olih : Putu Sedana
Artikel Terkait Ring Kategori
3 komentar:
tiang inget masa SMA malh bli, hehe :D
q ck ma puicinahttp://i634.photobucket.com/albums/uu69/chibabeck/onion%20head/baguus.gifhttp://i634.photobucket.com/albums/uu69/chibabeck/onion%20head/malu.gifhttp://i634.photobucket.com/albums/uu69/chibabeck/onion%20head/centil.gif
@Made Gel-gel : pateh bli.. tiang kangen masa" SMA...
@Sasa : suksma...! ^_^
Posting Komentar
Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!