Minab wawu mangkin anake sami uning ring pasawitran WS Rendra Lan Mbah Surip. Sakewanten sujatine WS Rendra lan Mbah Surip sampun ngiket tali pasawitran saking doh warsa ne lintang. Iketan puniki kawangun antuk minat lan bakat soang-soang sane pateh ring 'berkesenian'. Kenten taler 'sikap lan sifat' maka kalih sane mirip, inggihan punika santai lan ten perduli antuk 'hiruk pikuk dunia' yadiastu kekalih sampun dados anak sane 'terkenal'. Maka kalih tetep 'fokus lan konsisten' ring pekaryan lan ngamedalang karya-karyannyane soang-soang. Punika sampun harusne seniman.Minab semeton sami kari eling ring gatra Mbah Surip padem ring dina Angara, tanggal 4 Agustus 2009. Nah daweg sane maduwe 'gagasan' mangde sawanyane Mbah surip gelis-gelis kaurug wantah WS Rendra. Yadiastun daweg nika WS Rendra kari sungkan. Pamuputnyane sawanyane Mbah Surip katanem wengine punika ring setra sane genahne ring durin Bengkel Teater Rendra ring Depok, Provinsi Banten.
Ten makelo, wantah meselang duang rahina, ring dina Wraspati tanggal 6 Agustus 2009, WS Rendra taler padem santukan sungkan Jantung Korener ipun sane sampun parah. Napi karena sampun mejanji, napi mula sampun disnyane, maka kalih padem ten mejohan galah. Wantah meselat duang rahina. Minab titiang WS Rendra Lan Mbah Surip sampun mejanji jagi nyaga iketan pasawitranipun nyantos padem. Niki wantah conto 'nyata' iketan pasawitran sane sujati, sane kabakta nyantos padem.
Conto nyata malih, dados cingak ring "video klip" tembang "Tak Gendong" Mbah Surip. Irika WS Rendra dados 'Model Video Klip' ne. Cingak titiang maka kalih seneng-seneng lan pada bagia ritatkala ngaryanin video klip punika. Napi ne makarana yen ten wenten iketan pasawitran sane sujati sareng kalih.(*bb/ort)
0 komentar:
Posting Komentar
Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!