Dibi tiang polih kabar saking timpal ne ngorang Mbah Surip sampun mati. Gara-garane karane 'serangan jantung'. Mbah ten nu sekitar jam 10.30 WIB. Merasa ten percaya tiang langsung ngidupin TV. Eh..... yakti Mbah Surip sampun mati. Padahal tiang kari nonton ragane megending ring silih sinunggil acara ring silih sinunggil stasiun TV nasional kira-kira dibi telun. Nenten wenten rasa leleh utawi sedeng sakit cingakin tiang Mbah Surip daweg nika. Kari sehat lan semangat ngendingang lagu hitsne, 'tak gendong'. Pedalem tiang Mbah enggal pisan nutup yusa. Padahal mangkin kari ring 'puncak karierne'. Durung sempat ngerasayang hasil 'kerja kerasne' mbah sampu ngalahin. Yan keneh-kenehang umur i manusa mula nenten wenten ne uning. Nika wantah Ida Sang Hyang Widhi Wasa/Tuhan Yang Maha Esa sane madue kuasa.Lahir ring Mojokerto tanggal 5 Mei 1949 wastan asline Urip Achmad Rijanto Soekotjo. Mbah madue putra petang diri lan cucu petang diri. Sedurung dados seniman, mbah sampun ngambil makudang-kudang gae. Taen dados dagang asongan, dagang es lilin, lan dagang kacang goreng. Mbah Surip taler sempat dados pegawai tambang minyak lan berlian ring dura negara luire Kanada, Texas, Yordania, Lan California. Taler Mbah madue gelar Drs, Ir, lan MBA. Tahun 1985 Mbah Surip merantau ke jakarta lantas gabung sareng grup seniman minakadi Teguh Karya, Aquila, Bulungan, dan Taman Ismail Marzuki. Saking driki sampun mulai Mbah Surip ngamedalang karya-karya musiknyane.
Saking galah nika Mbah Surip sampun ngamedalang lebih ken asiki album lagu. Luir ipun, IJO ROYO-ROYO (1997), INDONESIA I (1998), REFORMASI (1998), TAK GENDONG (2003) dan BARANG BARU (2004). Sakewanten daweg nika Mbah Surip durung sanget terkenal. Ipun wawu terkenal lan dados 'artis fenomenal' wusan hitsnyane 'Tak Gendong' meledak lan makeh madue penggemar.
Mbah Surip bagi tiang memang seniman sane sujati. Ipun dados seniman, utamane ring musik boye je setata ngerereh artha lan 'kepopuleran'. Mbah Surip wantah madue cita-cita dados 'penghibur' antuk makeh jadma-jadma ring indonesia lewat lagu-lagu ipun ne. Nenten je ngerereh artha brana. Nike ne sanget 'kagumin' tiang ring ragan Mbah Surip. Napi malih 'penampilan' ipune sane nyentrik sira ne ten seneng.
Nanging ne mangkin Mbah Surip sampun ten nu. Sakewanten karya-karya ipune bakal tetep dados legenda sekadi ragan ipune pedidi. 'Selamat jalan Mbah Surip', dumogi Mbah bagia lan santhi irika. I LOVE YOU FULL, Mbah..... (*bb/orbl)
0 komentar:
Posting Komentar
Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!