Nenten suwe malih Bali jagi dados "Tuan Rumah" antuk syuting film Hollywood. Film sane majudul Eat, Pray, Love puniki rencanane jagi ngambil genah syuting ring mekudang-kudang genah ring Bali, makadi Ubud, Tegallalang, miwah sane lianan. Suwene para artis lan kru produksi film niki ring bali rencanane abulan. Rauh saking tanggal 16 Oktober nyantos 6 November 2009. Kawentenan puniki wantah "Kebanggaan" ring kota alit sane tresnayang tiang Gianyar.Antuk kepastian napi patut napi iwang beritane puniki sampun kapastiang olih Dinas Kebudayaan Kabupaten Gianyar. Saking Dinas sampun ngamedalang "pernyataan" resmi antuk kepastian rencana puniki. Utusan saking Amerika sampun rauh ke Gianyar lan sampun nunas ijin ring instansi terkait.
Film Eat, Pray, Love puniki wantah adaptasi saking novel terkenal “Eat, Pray, Love” karya Elizabeth Gilbert. Boya je sekedar novel, buku nini wantah cerita sane nyata indik "perjalanan" Gilbert ke Italia, India lan Indonesia ring usahanyane nemuang jati diri. Novel nini wantah Best Seller New York Times.
Film sane kakaryanin olih Sony Entertainment (Columbia Picture) lan kaproduksi olih Plan B Entertainment gelahnyane actor Brad Pitt niki jagi kalakonin olih artis Julia Robert sane jagi ngelakonin tokoh Elizabeth Gilbert. Film puniki jagi kasutradarayang olih Ryan Murphy, lan scenarione katulis olih Murphy sareng Jennifer Salt.
Kaanggen genah syuting ngamedalang dampak sane positif ring pariwisata indonesia khususne ring Bali. Napi malih tiang sekadi anak muda Bali tulen merasa bagia lan bangga kota tercinta puniki jagi kaanggen genah syuting film saking Hollywood. Kapah-kapah wenten film Hollywood sane syuting ring Bali. Minab niki film hollywood kapartama sane syuting ring bali ring dasa warsa puniki. mogi-mogi je tiang side ketemu jak Julia Robert utawi Brad Pitt. Napi malih ngidang photo bareng. Heheheheheheh..... :D :D (*bb/orbl)
Referensi :
image : *http://www.tempointeraktif.com/
Info : *http://www.tempointeraktif.com/hg/film/2009/09/04/brk,20090904-196312,id.html
0 komentar:
Posting Komentar
Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!