Sebenarne tiang sampun ngerasa agak sakit satu hari wusan upacara. Nika hari sabtune. Pas daweg nika kari beres-beres lan bersih-bersih. Wenten masih ne nguliang prabot sane polih ringa anak len. Tiang sempat merengan masih akidik-kidik. Sorene wusan marengan nika wawu sirah tiange baat rasane. Awak tiange panes lan kohkohan. Biasane yen sampun kenten tiang langsung nginem ubad anggen nuunin panes sane akeh wenten ring warun-warung. Lan biasane benjangane tiang pasti sampun kenakan akidik. Sakewanten nenten kenten penadine. Hari Minggune, semengan mare bangun, rasanin tiang skite ngancan ngerasang. Nah, langsung tiang ngalih dokter. Beh, payu tiang mesuntik.
Tumben tiang sakit. Yen inget-ingetang tiang, terkhir kali tiang sakit nika kira-kira wenten sampun a tahun sane sampun lintas. Pas daweg sakit punika awinan tiang bes kenjel masih, santukan wawu wusan nglaksanayang upacara pitra yadnya, ngabenang dadong lan paman tiange. Yen bisane tiang kebus, paling nginem "bodrex" lan sirep cukup pasti benjangne sampun kenakan. Sakewanten sakit tiange ne mangkin bes keliwat. Panes ne manten nyantos 39 derajat celcius. Bih, lumayan panes nika. Yen lewatang malih duang strip, bisa step tiang.
Sakewanten ne mangkin sampun agak kenakan kidik. Makane tiang nyidayang posting artikel puniki. Panesne sampun turun, sakewanten batuk-batuk lan pilekne kari. Mogi-mogi je pang gelisan tiang seger. Pang ngidang tiang malih mosting-mosting artikel ring blog puniki.(*bb/orby)
0 komentar:
Posting Komentar
Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!