Om Awignam Astu namo sidham, Om sidhirastu tad astu astu ya namah swaha

Rabu, September 23, 2009

Pupulan Wewangsalan Bagian 1

Nyambung antuk postingan tiang dumun ring artikel wewangsalan, ne mangkin tiang jagi bagi-bagi kidik antuk makudang-kudang conto wewangsalan sane tiosan. Wewangsalan-wewangsalan puniki makeh kaanggen ritatkala mabebaosan ring sewai-wai. Inggih pang ten makeh tiang ngomong, baca malih sane lengkapne...

Ring sor puniki wantah makudang-kudang conto wewangsalan, luire :

  1. Jero gede jero luh = suba gede ada nguluh
  2. Jukut gedang apalungan = sira ledang pakayunan
  3. Kadele mawadah kau = awak jele tuara tau
  4. Kamen batik maprada = bakal tidik tuara ada
  5. Kapal api kpal boyongan = pacang napi tiang oyongan
  6. Maan semal teken kiuh = maan emar teken tuyuh
  7. Masuksuk ngaba pales = bilang masuk kereng pules
  8. Ngaba pales bareng guun = suba males keren nurun
  9. Ngaba gabus misi granit = goba bangus kereng nglamit
  10. Ngaba kau bakat kocok = tuara tau awak bocok
  11. Ngae pale aji golok = ane males dadi kolok
  12. Ngaba pales bareng tali = Suba males kereng mlali
  13. Ngalih sampi galang bulan = Ngali bati kilangan kamulan
  14. Ngamah tombong misi pusuh = anak sombong ngelah musuh
  15. Ngalih bawang bakat masui = ngalih roang bakat gusti
  16. Nyekjek padang pesu lindung = betek basang pesu kidung
  17. Ngaba gonda keetan bulih = ngaba honda baan nyilih
  18. Pale rajah aji golok = males melajah dadi belog
  19. Pepales adeng puun = awak males kereng nurun
  20. Pangigi di kawahe = tong magigi ke pawahe

Inggih amunika dumun saking tiang antuk pupulan wewangsalan bagian 1 niki. Benjangan malih yen wenten galah malih icen tiang. Dumogi mawiguna!!(*bb/bsp)

Kaketus saking :
* Buku Basitha Paribasa Bali

Artikel Terkait Ring Kategori



6 komentar:

DEXBI gegz mengatakan...

suksma nggih.... wewangsalannyane becik pisan

DEXBI gegz mengatakan...

NI MADE BINANTARI
suksma nngih...wewangsalannyane becik pisan..

bliyanbelog mengatakan...

@dexbi : suksma mewali gek... salam kenal gih! ^_^

Ni Made Binantari mengatakan...

inggih salam kenal mewali Bli:-)

Rumah Pojok Creative mengatakan...

BliYanBlog, salam kenal saking titiyang Ketoet Giri, becik pisan artikel-artikel nyane, dumugi presida dados refrensi ring siswa sane pacang melajah basa bali,,,,lanjut terus, lestari basa baline

bliyanbelog mengatakan...

@Binantari : gih, suksma sampun rauh lan komen. ^_^

@Pojok : ngring lestariang sareng2 bli..

Posting Komentar

Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!