Jaji Ping AIDS
Ih iba gering AIDS
lalis iba dadi hati
nglantud-nglantudin
ngepet patin kai
sajroning mukti urip
Meme dija rurunge gede
bapa getih nyen gelahang tiang ene
tiang uling pidan kaden
nysik bulu mapuara pelih
Memem tegarang meme
takoning baas pipise
akuagemang ring Hyang Guru
tunasang meme tunasang
panumadian tiang mani puan
tan malampah jelema panayangan
ngulurin indria sakita-kita
sakit AIDS
titiang kabancana
apa pelih tiange meme
kapok tiang nepasin ipian
metekin bulun mata
Dokter kalih Balian
tulung tiang tulung
ubadin sakatilingan ambek
Ruat i dasa mala
pasuk wetu hyang usadhi
anrawang-anruwung lampahe
makilit
bayu tuna tuhtulang awak tan pakulit
cekok mata bok tiange berit
tiang pacang mapamit
ngungsi tanahe pingit
adi embok meme bapan tiange
dohang ragane dohang
malane ane klidin klidang
pedalaem kaluihan gumine
wayah sayan satronin AIDS
jaji ping embok jaji ping meme
jaji ping adi jaji ping bapa
depang masambat pang masambat
maselat segara ping keti
Olih : IB Rai Putra & Wayan Tegeg
0 komentar:
Posting Komentar
Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!