Om Awignam Astu namo sidham, Om sidhirastu tad astu astu ya namah swaha

Jumat, Januari 01, 2010

Browse » » » Pura Penataran Sasih

Pura Penataran Sasih

Pura Penataran Sasih.jpg
Pura Penataran Sasih dohi[une sawetara 6 kilometer saking kota Gianyar utawi 28 kilometer saking kota Denpasar. Ngrereh genahe punika yen nganggen motor nelasang galah sawetara 30 menit. Margine merika becik pisan. Yening mamargi saking kota Denpasar akeh polih nglintangin obyek wisata, minakadine polih nglintangin Desa Mas sane sampun kajanaloka ngasilang barang-barang kesenian miwah barang-barang budaya sane lianan. Taer nglintangin Goa Gajah, Museum Gedong Arca sane akeh nyimpen barang-barang purbakala minakadi gerabah, kapak batu, miwah sarkofagus.

Pura Penataram Sasih wenten ring tengah-tengah Desa Pejeng, genahipun ring dangin jalan gede sane ngubungang Kota Gianyar sareng Tampaksiring. Desa punika ngranjing Kecamatan Tampaksiring, Kabupaten Gianyar. Pura Penataran Sasihkasorohang pura kuno tur marupa pura puser kerajaan Pekeng duke riin. Pura punika dumun kawastanin Pura Penataran kemanten. Selantripun kawastanin Pura Penataran Sasih santukan ring jeroning pura wenten nekara ageng sane sampun kaloktah kabaos Bulan (sasih)Pejeng.

Nekara Pura Penataran Sasih.jpg
Yusan wangunan punika nenten wenten anak pastika nguningin, sakemaon ring ungkut arca ring batune wenten kagambarang wangunan punika kawangun saking abad XI, tur ngancan warsa malih kalimbakang malih wangunan sane lianan.

Pura punika pelataranne jimbar, pura-puranipun unik, ring pariwisata pura punika sampun kauningin ngawit warsa 1920.

Sane pinih mautama irika wantah kawentenan nekara ageng sane madawa 186,5 sentimeter tur garis tengahipun madawa 160 sentimeter. Nekara punika kagenahang ring sajeroning palinggih ring bucu kaler kangin pura. Krama desane irika maosang pelinggih punikamawasta palinggih Ratu Sasih. Sakemaon nekarane kaloktah kabaos "Bulan Pejeng". Nekara punika marupa tetamian benda prasejarah duk jaman perunggu ring Indonesia.

Salian nekara irika taler wenten arca-arca kuno malakar antuk abtu, pragmen-pragmen prasasti, sakewanten sasuratipun sampun usak ngawinang meweh ngawacen. Mawiwit antuk kawentenan barang-barang sakadi punika ngancan rahina ngancan sasih para wisatane ngakehang malancaran nyingak kawentenan tur kautamaan Pura Penataran Sasih punika.(*bb/trty)

Artikel Terkait Ring Kategori



Kaposting olih bliyanbelog ring 8:52 AM
Label :
Bookmark and Share

0 komentar:

:f :D B-) :x :$ ;;) x( :? :@ :~ :| :)) :(( :( :s :o :) :L :E :H :Q :-r :-$ :-c :-y :-j :-O I-) 8-| 8-} =(( :-n :-e :-k

Posting Komentar

Semeton sane jagi komentar, ngicenin kritik, saran, request, utawi sekadar kenalan driki manten ring kotak komentar niki. Sampunang lali dagingin wastan sameton ne ring kotak Beri komentar sebagai. Suksma!!